Theatre in Wales

COMISIWN DYLUNIO – DRAMA GYMUNEDOL GLYN EBWY (MAEN!)
date added:04 February 2010

Mae MAEN! yn ddrama gymunedol aml-gelfyddydol, ddwy-ieithog sy’n cael ei pherfformio ar lwyfan Pafiliwn Eisteddfod Glyn Ebwy ar nos Iau 29ain o Orffenaff 2010.

Bydd yn denu cyfranogwyr o bedair Sir (Blaenau Gwent, Caerffili, Merthyr Tudful a Thorfaen) ac mae’n cael ei ariannu gyda Chyngor Celfyddydau Cymru a Chynllun Blaenau’r Cymoedd.


Bydd MAEN! yn cyfuno’r byd chwedlonol a realaeth, gan ymdrin a pherchnogaeth y tirlun yn ardaloedd Blaenau’r Cymoedd.


Bydd MAEN! yn plethu defnydd o ddarnau wedi eu recordio o flaen llaw a’u dangos ar sgriniau mawr y pafiliwn gyda pherfformio byw.


• Mae MAEN! yn cynnig sialens anferthol – i greu sioe weledol wefreiddiol mewn gofod sydd ond ar gael am un diwrnod!

• Mae Celf ar y Blaen yn chwilio am ymgeiswyr i’r comisiwn dylunio fydd yn gallu ein cynorthwyo i droi’r weledigaeth greadigol hon yn realaeth mewn gofod mor fawr.

• Rydym yn gofyn am gynigion wrth sefydliadau neu unigolion sy’n gallu profi a dangos ffordd o weithredu ymarferol llawn dychymyg wrth borteardu’r tirwedd sy’n newid yn gyson – gan gynnwys adeiladu a dinistrio.

• Rydym yn chwilio am rywun fydd yn sicrhau yr effaith mwyaf a gorau posib yn y gofod sydd ohoni.

• Rydym yn croesawu ceisiadau wrth unigolion / sefydliadau fydd yn cynnig cyfleoedd i grwpiau neu unigolion o fewn y cymunedau fedru bod yn rhan o’r creu – boed hynny yn wisgoedd, set neu brops. Bydd y ceisiadau yma’n cael eu hystyried yn ffarfriol iawn.

Gwerth y comisiwn yw £12,000 gan gynnwys deunyddiau


PROSES GAIS

Anfonwch y dogfennau dilynol at:

Celf ar y Blaen
d/o Sefydliad Glowyr Llanhiledd
Llanhiledd
Abertyleri
NP13 2JT

01495 357815/6
info@head4arts.org.uk www.head4arts.org.uk


1. CV
2. Manylion cyswllt dau ganolwr
3. Llythyr cais yn amlinellu eich ymagwedd at y comisiwn yma
4. Datganiadau ar y gwahanol agweddau y caiff eich cais eu gwerthuso arnynt yn cynnwys:

• Gallu i gyflenwi’r holl elfennau a amlinellir yn y comisiwn

• Gallu i gyflenwi o fewn cyllideb ac ar amserlen

• Profiad perthnasol yn arwain ar brosiectau llwyddiannus o faint tebyg

• Cadarnhad y medrwch ymrwymo amser digonol i gyflenwi’r comisiwn

• Eich galluedd i gynnwys rhai gweithdai cymunedol yn y broses




Dyddiad cau ar gyfer ceisiadau: Dydd Mercher 24 Chwefror
Cyfweliadau: Dydd Mercher 3 Mawrth

company:Celf ar y Blaen
contact :
email: info@head4arts.org.uk
web: www.head4arts.org.uk

When responding to this advert please mention that you saw it on the Theatre in Wales web site!